Porin muauimalan talviuindan aigua opitah sygyzyl hil’l’astu kylynkylvendiä.
Kylyt ollah hil’l’azet liga- da kylmykuul piätteniččöin kui miehien, mugai naizien puolel č 17–20.
Linnu on suannuh mingi verran toivehtu hil’l’azeh kylynkylvendäh näh.
– Voithäi kylys paista, ga duumavonnu on, gu pagizizit tavanmugastu hillembäl iänel. Hil’l’azen aijan novvatandan valvondah niškoi ei ole eričyksellisty tabua, sendäh himoittas, gu kylbijät huomavoittas toizet aziekkahat kylys olles, nenga sanou tiijoittehes liikunduyksikön piälikkö Petteri Lahti. Porin muauimalan talviuindukauzi algavuu ezmässargen 2. ligakuudu da se kestäy sulakuun 5. päivässäh.
Uinduallikot ollah avvoi uidajih niškoi ezmässargen, kolmanpiän da piätteniččän č 15–19.30. Kylynkylvendäh da pezevyndäh aigua on 20.00 aigassah.
Rahvahan uinduaigu lopeh puoldu čuassuu enne salbuanduaigua da kassu salbuahes 45 minuuttua enne uimalan salbuandua.