Päijät-Hämien hyvinvoindualoveh planiiruiččou mielentervehyskundovujien eländy-yksikön perustandua.
Oman tuotandon rattahile panendua pietäh tarbehellizennu paiči muudu sendäh, gu sit voijah verrata yksittäzien palveluntuottajien palvelun luaduu omah tuotandoh.
Eländypalveluloin piiris on 451 mielentervehys- da päihtehaziekastu. Suurin vuitti heis eläy Päijät-Hämien eländy-yksikkölöis, ga eläjiä on sežo muakunnan ulgopuolelgi.
Algusygyzyn 2023 aigua päivitetyn ezisellityksen perustehel on piävytty eländy-yksikköh, kus kaikkiedah roih 35 aziekassijua. Tarkoituksennu on perustua yksikkö Lahten keskilinnah libo ihan sen lähäle.
Päijät-Hämien hyvinvoindualovehen alovehhalličus kaččelou nečidä dieluo 2. ligakuudu.
Varustandu tahtotah algua toimitiloin kaččomizel. Ei löydyne toimindah niškoi pättäviä tilua, sit pannah käymäh uvven huonuksen nostandu.
Uusi mielenterveyskuntoutujien yksikkö on suunnitteilla Päijät-Hämeeseen