Izrael’an armien tiijoittai, majoru Nir Dianr sanou, gu laidujärjestö Hamas ozitui muanittamah Izrael’ua suajen sen uskomah, što ei järjestö ollus kiinnostunnuh toruamah Lähi-Päivännouzun lujimua armiedu vastah. Uudistoimisto Reutersan pagizuttelus sežo äijät muut Izrael’an da Hamasan evustajat sanellah omassah nägemykset sit, kui mennyt nedälinlopul Hamas lykystyi omas pahembas hyökkävykses Jom kippur -voinan jälles, kudai oli vuvvennu 1973.
Hamasan evustajan mugah järjestö pyrgihes monen kuun aigua suamah uskomah Izrael’ua sih, gu sidä kiinnostas Gazan talovus enäm, migu voinu. Vuvven 2021 jälles Izrael andoi palestiinalazile tuhanzii ruadolubii, gu hyö voidas ruadua Izrael’as libo Päivänlaskurannal, kus palkat voijah olla 10 kerdua korgiembat, migu Gazas.
Eräs Izrael’an armien evustai sanou, gu Izrael on uskonuh, što tietyn talovehellizen tazon turvuandu Gazah tuos stabil’nostin.
– Olimmo duumainnuh viäräh, sanou häi.
Äijät Hamasan johtajatgi ei tietty hyökkävyspluanah näh
Yksi pahembis ezimerkilöis Izrael’an passiivižuos on Hamasan luajittu muanitukselline izrael’alaine siirdokundu Gazah, kus järjestön toruajat harjaiteltih sen valduamistu.
Hamasan lähäl olii lähteh kuvaili, gu harjaitukseh näh jullattih kai videoloi.
– Izrael varmahgi nägi net [videot], ga hyö oldih varmat, gu ei Hamas tahto torata [Izrael’anke], sanou lähteh.
Izrael’an turvalližuskonehiston evustai sanou, gu Izrael rodih muanitetukse.
– Hyö suadih meijät uskomah, gu heil oldih duumavolois dengat, sanou izrael’alaine da ližiäy sih, gu samah aigah Hamas yhtelläh harjaitteli omassah hyökkävysty.
Hamasan evustai sanelou, gu hyökkävyspluanan keskes oli ližäkse vie kaikkien tiedoloin typičendy nenga, gu Izrael’an tiijustelu ei suannus vihjavustu tulielois dielolois. Hänen mugah suuri vuitti kai Hamasan omis johtajis ei tiedänyh planiiruitus hyökkävykses.
Izrael’alaine lähteh kummastelehes sežo sidä, kui muga lähäl Gazan rajua nedälinlopul piettih muuzikkufestivualit. Hamasan toruajat tapettih alovehel enäm 260 hengie.
Izrael’alaine turvalližuslähteh sanou vie, gu Izrael’an armiel ei olluh täytty miehitysty Gazan suvičural iškuloin aigua. Vuitti saldatois oli siirty Päivänlaskurannale, sendäh gu sie oli olluh vägivaldastu yhtehottuo siirdokundalazien da palestiinalazien keskes.
Reuters: Hamas harjoitteli hyökkäystään etukäteen ja peittelemättä, mutta Israel ei reagoinut