Lähipäivinny tuulou vähäzel da enimil čuril on poudusiä. Korgeipaineh lujenou tuvven kaikkeh muah viluu ilmua. Enimite yöt ollah vilut, nenga sanou Ylen meteoroulogu Anne Borgström.
Tänäpäi ezmässargen siä on suves pilvežy. Suvičural voibi vähäzel vihmuo libo röčätä. Paiväine ozutahes muan keskiozas da muan pohjazil čuril mieleh roih päivypastoine siä.
Lämbötila suves on pl’usan puolel, päiväl nol’an raja menöy muan keskiozis. Muan keskiozien pohjazil čuril roih pieni pakkaine.
Yöt ollah vilut da kaikes muas pakkazen puolel. Lapis pakkastu voibi olla yölöil -10 libo kai -15.
Tossargen siä povvistah
Tossargen siä selgenöy da vilustah. Lämbötila on nol’an mail, erähis kohtis pl’usan puolel. Päiväine ozutahes suves, muijalgi Suomes on enimite päivypastoine poudusiä.
Ligakuun lopul ei äijiä lundu pane eigo ni vihmu da on vilu. Lapis on pakkaine siä da sinne pannuh lumi pyzyy muas.