Kandu-Hämien psihouloguyhtistys on andanuh Vuvven mielentervehysruado –tunnustuksen Kennelliiton dovariššukoirutoimindale.
Dovariššukoirat tullah kučuttuloinnu hoidolaitoksih, luageriloih libo päivykodiloih. Koirii vastah ottajat aiguhizet libo lapset voijah tulla koirien lähäle muga, kui iče tahtotah.
Yhtistys sanou omassah tiijoittehes, gu elättilöin hyväs merkičykses da vaikutukses on endisty enäm tieduo. Yhtistyksen mugah koirua silittäjes unohtat kai zobotat da huogavut, välläle piäzöy endorfiinua, mielihyvähormonua, kui toizen ristikanzan kosketandas. Elättilöin paikalolendu kluasas alevuttau rauhattomii lapsii.
Sežo lugukoiruruandu kuuluu dovariššukoirutoimindah. Lugukoiru kuundelou ezimerkikse kirjastos libo školakluasas lapsen lugemistu. Paikal ollah vaigu lapset, koiru da sen ohjuaju. Koiru ei arvivoiče eigo ni čakkua – sille lapsen luvendu pädöy moizennu. Koiran ohjuajugi ei kyskei lugemizeh.
Yhtistys sanou, gu nenga arral lapsel on kebjiembi lugie muga, kui häi maltau.
Kaverikoiratoiminta sai tunnustuksen Kanta-Hämeen psykologiyhdistykseltä