Lapsen oigevuksien päiviä pruaznuijah tänäpäi Vaazas. Sie organizuijah YK:n lapsen oigevuksien päivän kunnivokse lapsien da nuorien valgokulgoveh.
Vaazan toril ehtäčel 18 aigah lugietah lapsien oigevuksien julgisanomine, min jälles valgokulgoveh lähtöy torilpäi Kazarmualovehele.
Kazarmualovehen kentäl pietäh TaiKonan teatru-, tansi-, cirku-, käziruado-, medii- da kuvataido-opastujien valgo-ozutus.
Vaazan linnu on keräl UNICEF:n Lapsiystävälline kundu -mallis. Parahite on luajittavannu ruandupluanu, kudai roih valmis tulien vuvven allus.
Pruazniekkupäiväh kuuluu sežo ilmaine pido lapsiperehih niškoi Vaazan piäkirjastos.
Ližäkse ezmässargen Vaazan linnu sežo nostau flavut salgoh linnantaloil, hallindotaloil da tehnizel virrastol.
YK:n lapsen oikeuksien päivää juhlitaan Vaasassa, päivä huipentuu valokulkueeseen