Čoma talvi kuččuu matkuniekkoi Tahkole. Rastavan synnynpäivän tilavustilandeh on tiä vähästy parem, migu mulloi, nenga sanotah Tahkon keskusvaruamospäi.
Rastavan majoitukses on tilattu 55 prosentua. Uvven vuvven pruazniekakse tilavustu on luajittu läs 90 prosentua majoituskapazitietas.
– Net ruvetah kazvamah piätteniččän 22.12., konzu joudopäivät alletah. Pitkät pruazniekkupäivät nävytäh meil pitkembinny tilavuksinnu, sanou Teo Kuosmanen Tahkon keskusvaruamospäi.
Mökkirastavas ečitäh tavan mugah kebjendysty pruazniekan piendäh. Erähät sežo ostetah eriluadustu rinnakkaspalveluu tiluamal ezimerkikse valmehet syömizet mökile. Toizet kävväh syömäh alovehen restoranah. Čomendettuloi rastavankuuzii sežo tuvvah Rastavan pruaznuiččijoile.
– Kuuzet tavan mugah tahtotah čomendua iče. Valmehekse čomendettuu kuustu kyzytäh ylen harvah, sanou Kuosmanen.
Enimät Tahkon Rastavan da Uvven vuvven matkuniekat tullah kodimuaspäi. Ulgomualazis tulijois suurin vuitti matkuau Eestispäi.
Tahko täyttyy puolilleen juhlapyhinä – helppoon jouluun ostetaan valmiit ruoat ja kuusi