Jygiet talovehellizet aijat nävytäh vie selgiembäh Vaazan kažitalois.
Pahennuh muailmantilandeh nygöi nägyy muga, gu pravvakkahat ristikanzat tuvvah meile omii kažiloi da sanotah kohti, gu dengua enämbiä ei tävvy kažin piendäh, nenga sanotah Kažitalois.
Kieldävymine kažilois on ližennyh da sežo on korostunnuh segi, gu dengoin vajavuon täh kieldävyndän syydy ei ainos tahtota sanuo. Kažitaloin mugah neče ilmivö on ližennyh.
Yhteltiedy elättilöile syömisabuu pakiččijoin ristikanzoin joukko on kazvanuh. Kažitaloi on rastavanaijan aloh kerännyh lahjoituksii marketois, pidänyh jarmankoi da avvonazii veriälöi. Nennegi ollah tuodu äijän lahjoitustu.
Vaazan kažitaloin probliemoih tässäh vie ei ole löydynyh oigiedu piätösty.