Osa artikkelin sisällöstä ei ole välttämättä saavutettavissa esimerkiksi ruudunlukuohjelmalla.
Kokoomuksen ehoitettu Alexander Stubb da valliččijanyhtistyksen ehoitettu, vihandoin kannatettu Pekka Haavisto mennäh prezidentanvalličuksien toizele kierroksele.
Stubb voitti valličuksien enzimäzen kierroksen nenga 27 prosental iänis. Haaviston kannatus on vajuat 26 prosentua.
Niken ehoitettulois vuotetusti ei suannuh enäm puolii iänis, sendäh tulii prezidentu tiijustetah vaste kahten nedälin peräs pyhänpiän.
Tulos menöy samazen kuavan mugah, mittumua kannatusmiäriändät enne valličuksii ollah ozutettu. Stubb, Haavisto da perussuomelazien Jussi Halla-aho muvvostettih kolmen terän.
Halla-ahon kannatus on 19 prosentua.
Toizis ehoitettulois valliččijanyhtistyksen da keskustan Olli Rehn on nelläs tävven 15 prosentan kannatuksel. Viijendenny on hurualistoliiton Li Andersson nenga viijen prosentan kannatuksel.
Suuremban oppoziciipuolovehen SDP:n kandiduatan Jutta Urpilaizen kannatus on äijiä pienembi, migu SDP:n kannatus mennyzis kunnanvalličuksis. Urpilainen on kuvves al viijel prosental.
Seiččemendenny on kristillisdemokruatoin Sari Essayah, kaheksandennu valliččijanyhtistyksen Mika Aaltola da yheksändenny Liike Nyt:n Harry Harkimo.
Čotaičendan tilandeh