Cai-Göran Alexander Stubb, 55, on Helsingis roinnuhes poliitiekan da enne kaikkie Eurouppu-poliitiekan moniottelii. Häi on ruadanuh paiči muudu europarluamentuniekannu, kanzanevustajannu, piäministrannu da ministrannu sego Euroupan investiiruičendubankan varapiäjohtajannu. Sen ližäkse häi on olluh äijän vuottu EU-yliopiston professorannu Italien Firenzes.
Stubbal on tutkindot Furmanin yliopistospäi da Bruggen EU-yliopistospäi.
Furmanis häi opastui valdivo-oppih, kanzoinvälizeh poliitiekkah da talovustiedoloih, Brugges EU-dieloloih. Stubb on väitellyh London School of Economicsas dohtorakse kanzoinvälizis välilöis. Väitöskirjas häi kaččeli Euroupan unionan pon’n’ahtajua yhtevyndiä da Amsterdaman sobimustu.
Stubb oli kokoomuksen deputuatannu 2011–2017 da kokoomuksen paginanvedäjänny 2014–2016. Piäministrannu Stubb vedi halličustu 2014–2015.
Stubb oli sežo ulgoaziiministrannu kolme vuottu Matti Vanhazen (kesk.) da Mari Kiviniemen (kesk.) halličukses sego kolme vuottu Jyrki Kataizen (kok.) halličukses Eurouppu- da ulgomuankauppuministrannu. Juha Sipilän (kesk.) halličukses häi ruadoi valdivovaroinministrannu.
Stubbua tundietah sežo sportuiččijannu. Hänen armas laji on triathlon, kuduan kilboih häi otti ozua alalleh. Tagan on sežo mondu marafonua.
Stubban mučoi on juristu Suzanne Innes-Stubb da heil on kaksi jo aiguhistu lastu, tytär da poigu.
Tällainen on Suomen uusi tasavallan presidentti Alexander Stubb