Osa artikkelin sisällöstä ei ole välttämättä saavutettavissa esimerkiksi ruudunlukuohjelmalla.
Vuvven 2024 prezidentanvalličuksien toizen kierroksen iänestysprosentu on 70,7. Sih kuulutah vaigu Suomes eläjien iänestäjien iänet.
Iänestysprosentu on pienembi, migu enzimäzen kierroksen 75 prosentua. Iänioigevutettuu on olluh Suomes kaikkiedah 4 281 711.
Ulgomual eläjiä iänioigevutettuu on olluh 264 330, heis toizel kierroksel iänesti 16,6 prosentua libo 43 834.
Suomes eläjien sego ulgomual eläjien suomelazien iänioigevutettuloin iänestysprosentu on 67,6. Valličuksien enzimäzel kierroksel se oli 71,5 prosentua.
Tossargen loppenuzes toizen kierroksen ennepäi-iänestykses iänesti 46,4 prosentua iänioigevutettulois.
Prezidentanvalličuksien iänestysaktiivižus on olluh nämmis valličuksis korgiembi tavanmugastu. Vuvvennu 2018 Suomes eläjien Suomen kanzalazien iänestysprosentu oli 69,9, prosentua.
Vuvven 2024 valličuksien voittajakse da tuliekse prezidentakse rodih kokoomuksen ehoitettu Alexander Stubb.