Nelli suurembua maidomuakundua tuottau piäl puolet Suomen maijos.
Maiduo tuotettih enäm Pohjas-Pohjanmual, Pohjas-Savos, Suvi-Pohjanmuan da Keski-Pohjanmuan muakunnis.
Suvi-Pohjanmual maiduo tuotettih 278 miljonua litrua da Keski-Pohjanmual 155 miljonua litrua.
Kunnanverdailus voitti Kuopio 68 miljonal litral, ga järgieh toizekse rodih Kurikka Suvi-Pohjanmualpäi. Kurikas tuotettih 62 miljonua litrua maiduo.
Kokkola sijoittihes verdailus nelländekse 49 miljonal maidolitral. Kurikan da Kokkolan välih tuli Kiuruvezi 53 miljonan maidolitranke.
Kaikes muas maidozavodat otettih vastah maiduo vajuat 2 132 miljonua litrua, mi oli prosentua vähem, migu vuvvennu 2022.
Maidotuottajien miäry väheni kaheksal prosental ennemullozes. Heidy oli mulloi vähästy enäm 4 500, mi on kaheksua prosentua vähem, migu ennemullostu.
Tiijot on otettu Luonnonvarakeskuksen statistiekaspäi.
Suomen suurimpien maitomaakuntien nelikossa ovat yhä Etelä-Pohjanmaa ja Keski-Pohjanmaa