Vaazas pietäh tulien kahten nedälin aloh valdukunnallistu Armas-festivualii.
Taido- da kul’tuurufestivuali pruazniekallistau vahnenendua eriluaduzien pidoloin, ozutteluloin da ozutuksien vuoh. Festivualii pietäh jo kaheksattu kerdua.
Festivualin avuajazet piettih ezmässargen Vuorikeskuksen pruazniekkuzualas, kus programmas oli paiči muudu muuzikkuozutuksii. 13–15 aigah organizuitut avuajazet oldih avvonazet kaikile kiinnostunnuzile.
Erijyttysty programmua vahnoile ristikanzoile tariččii Armas-päivy pietäh 21. kevätkuudu Vaazan piäkirjastos, sit roih kinuo da pianomuuzikkua. Sen ližäkse VAMKan voimattomanhoidajikse opastujat luajitah tervehyöntilan tarkastustu.
Festivualin aigua Vaazan linnan muzeit taritah eläkkehelolijoile ilmazen piäzendän ozutteluloih, da eriluadustu eduu on tarittavannu sežo teatru- da sugalapalvelulois, nenga mainiččou koudan Armas.
Pivon tarkoituksennu on tuvva nägövih vahnenendan iluo da bohatuttua sen kauti kui ozanottajien, mugai yhtehistön elostu.
Taiteen voimalla vanhenemista vastaan: Armas-festivaali alkaa Vaasassa