Mikkelin Sairilas sijaiččijan taloin eläjät ilmoitettih ezmässargen päiväčel hädäkeskukseh, gu heijän talois oli vastattu vakkinaine mies. Policii saneli neččih dieloh näh tiijoittehes.
Mies lähti iäres sit kohtaspäi enne policien tulendua, ga policiikoiru sai pajennuos vainun. Koiru jällitti muastoh pajennuon miehen nenga puoles čuasus. Mies oli peittänyhes ulgohuonukseh da löydyi sit. Händy ebäilläh varrastandas.
Policii tutkiu, midä mies on ruadanuh talois da ongo kavonnuh omažuttu.
Tämän kodvazen tiedoloin mugah huonuksele ei roinnuh suurdu vahinguo murdavujan ruandan täh.