Tulien vuon vuitil suomelazis tv-kanualat voijah pimetä, ei olle heil terävypiirdohistu kuvua vastahottajua televiizorua libo digiboksua.
Suomen tv-kanualat siirrytäh tervävypiirdoh libo HD-lähetyksih vuvvennu 2025, nenga sanou Liikendeh- da viestindyvirrasto Traficom. Muutos algavuu keviäl 2025, konzu Yleisradio loppou perustazohizet libo SD-lähetykset da siirdyy vaigu terävypiirdojyttyzih HD-lähetyksih.
Muutos koskou kui antennu- mugai kuabeli-tv:dy.
Traficoman mugah kaupallizet tv-yhtivöt vie ei olla jullattu tieduo HD-siirdymäh näh omien kanualoin puoles. Traficoman mugah tavoittehennu on, gu kai Suomen tv-lähetykset työttäs uvvel juandutehniekal.
Tarkista oman televiizoran HD-valmehus aijoin aijal
Traficom juohattau, gu oman televiizoran HD-valmehus maksau tarkistua aijoin aijal, gu voizit kaččuo sidä terävypiirdo-siirdymän jällesgi.
Siirdymän myödäh tv:n kačondah niškoi pidäy olla moine televiizoru libo digiboksu, kuduas on HD-viritin. Ei löydyne nengomua, sit pidäy ostua uuzi.
– Läs kaikil löydyy jo HD-viritin televiizoras libo digiboksas, ga neče on hyvä tarkistua oppimal, nävytähgo HD-kanualat omas vastahottimes, nenga sanou Traficoman projektupiälikkö Tiina Aaltonen.
Traficom on kerännyh HD-siirdymäh näh kattajan tiedopakietan da ohjavot hdtvopas.fi-saitale. Traficoman saital lövvytäh ohjavot televiizoran HD-valmehuon testiiruičendah niškoi.
– HD-siirdymy on vuitti tehnolougien kehitysty, kudai tugou sežo medien monimuodožuttu da eloivägie, sanou tiijoittehes Traficoman piäjohtai Jarkko Saarimäki.
Saarimäen mugah Traficoman tavoittehennu on se, gu kaikis kodilois olis siirdymän jälles valmehus ottua vastah HD-lähetyksii.
– Myö kannustammogi tarkistamah oman televiizoran ližäkse lähäzien da enne kaikkie vahnoin ristikanzoin televiizorat, gu kaikin voidas kaččuo tv:dy iellehgi, sanou Saarimäki.
Tiedoiškuu roih
– Siirdymy tuou luavukkahemban tv-kuvan da iänen kaikkien koditalovuksien suadavakse, nenga sanou tiijoittehes Traficoman piälikkö Suvi Juurakko-Lehikoinen.
Juurakka-Lehikoizen mugah uvvembi lähetystehniekku hyövyndäy sežo rajallizii tv-käyttöh niškoi tarkoitettuloi puaksuvuksii tehokkahembah, da se luadiu mahtollizekse nygösty leviembän HD-taričendan.
Liikendeh- da viestindyvirrasto Traficom koordiniiruiččou siirdymäh liittyjiä viestindiä da kampanuiččou valdukunnallizesti paiči muudu tv-tiedoiškuloin vuoh tänä da tulien vuon.
Televisiolähetykset siirtyvät HD-aikaan ensi vuonna – tarkista ajoissa, pimeneekö televisiosi