Algunedälil siä myösgi kiändyy keviällizembäh čurah, konzu Suomeh virduau suvespäi lämmin ilmu. Pakkazet jiäjäh tuakse da ilmu lämbenöy.
Ezmässargen lämbötila nouzou suves selgiehgi piäl kymmenen astehen. Pohjas-Lapis vie pyzyy pakkaine siä.
Muan keskičuras piäliči liikkuu pieni vihmu- da lumialoveh päivän sego ehtän aigua, da muan pohjazen čuran äijih kohtih sežo panou lundu.
Tossargen lundu ei pane eigo ni vihmu da ilmu lämbenöy. Lämbötila voibi nosta kai piäl 15 astehen. Päiväine pastau äijis kohtis, suvirannikol da pohjazembas Lapis pilvie nägyy taivahal enämbi.
Lämbötila rippuu ozin sežo pilvižyös: roinnou päiväs ennustettuu pilvežembi, lämmiägi roih vähembi.
Euroupas on räkki
Suvizembas Euroupas on läs kezäilmu. Manner-Euroupas ezmässargen miärätäh äijis kohtis kai räkkilugemua.
Ezimerkikse Germuanies da Puolas lämbötila nouzou äijis kohtis selgiehgi piäl 25 astehen.
Keväinen sää tekee paluun: lämpötila kipuaa jopa yli 15 asteeseen