Ennustetah, gu lämbenijät ilmat ravendetah linduloin kevätmuuttuo.
Linduloin muutto rutostui jo enne Äijiäpäiviä, ga pakkazet hillendettih sidä. Pohjalazil lagevoloil jo on dogadittu erähii västäräkkilöi, ruskeirindazii sego čibilöi.
Närpiös da Kristiinankaupungis on nähty lindutiedopalvelun Tiiran mugah sežo harvinažuttu: ruskeikagluhanhi on varavonalaine hanhi, kudai harvazeh kävyy Suomeh arktizen suuren muuton hanhiparviloin joukos.
Ilmoin lämbenemizen täh muuttolinduu tulou vie ližiä. Vähimyölleh vuotetah kurgiloin muuttuo da rastahien, peiboloin sego kyyhkölöin järillehtulendua Suomeh.