Kajuanin linnu da Sotkamon kundu ollah keräl Ylen Miljon toppuhuavostu –kampuanies. Tänäpäi ezmässargen algavujas kampuanies hos ken voibi kerätä toppua yksin libo toizienke yhtes.
Kajuani da Sotkamo kehoitetah sežo omii eläjii ottamah ozua yhtehizih toppukeriändöih. Toppien keriändäh niškoi voit ottua kirjastolois laihinakse toppupuikkuo libo -piihtilöi da keräle voit sežo suaja toppuhuavostu da ruadosormikkahat. Kerätyt toppuhuavozet merkitäh adresis yle.fi/miljoonaroskapussia.
Kogo Suomen suuruzeh ruokindusubbotniekkah on uskaldannuh tulla keräle enäm 180 linnua da kundua. Kampuanii korgenou muailman ymbäristöpäivänny 5. kezäkuudu.
Mullozes kampuanies kaikes muas kerättih kaikkiedah nenga viizi miljonua litrua toppua libo 210 000 toppuhuavostu. Tänä vuon tarkoituksennu on kazvattua nečidä miljonah toppuhuavozeh sah.
Kajaani ja Sotkamo siistiksi Ylen miljoona roskapussia -kampanjassa